Көздер-ай

Іздеймін, іздеймін мен, үмітті үзбеймін мен
Қарақат-ай, мөп-мөлдір сол көздерді
Өртеніп жанамын да, ұмыта алармын ба
Бақыт болған балдәурен сол кездерді

Қайырмасы:
Қарақат көздер-ай, бақытты кездер-ай
Оралшы қайтадан көктем болып
Көздер-ай мөлдіреген, көрген жан елжіреген
Сен аққу келерсің көктем болып

Наздана қарай тұғын, жаныма балай тұғын
Қара көздер, мөп-мөлдір қайдасыңдар
Жүректі жарып ұшқан, жаралған сағыныштан
Жанарлар-ай, жүрекке жайғасыңдар

Қайырмасы: